Алæмæты хъæлæс

Дзæуджыхъæуы филармонийы уыд Сланты Тимуры концерт. Диссаджы бæрзонд хъæлæсы хицау аивадуарзджытæн равдыста йæ ног программæ «Романтика», зæгъгæ. Мариинаг театры филиалы сценæйы фехъусæн уыд италиаг æмæ испайнаг æвзæгтыл уацмыстæ. Тимуры ныхæстæм гæсгæ сты зæрдæмæхъаргæ зарджытæ. Æрыгон зарæггæнæгæн ацы стыр концерт у æртыккаг. Арæзт вæййы сæрды райдиан. Артист куыд зæгъы, афтæмæй йын Дзæуджыхъæуы сценæ æппæтæй уарзондæр у. Тимур зары дискантæй, уый ма фæхонынц нæлгоймаджы сопрано дæр. Ахæм тембр арæх фехъусæн нæй. Фæлæ йæ ныридæгæн фехъуыстой дунейы хъуыстгонддæр театрты. Тимур алы адæймагмæ дæр æвзæрын кæны оперæмæ уарзондзинад. Иннæ азы райдиан артист сараздзæн æппæтуæрæсеон гастрольтæ. Фидæны архайдзæн фæсарæнты арæзт проектты дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv